Од 1 ноември до денеска има изречено над 1.500 опомени на сопственици на возила од Косово со регистарски таблички издадени од Министерството за внатрешни работи на Србија, пренесува Клан Косова.

Косовското Министерство за внатрешни работи, соопшти дека населението на северот „не е заинтересирано“ за пререгистрација на возила и ставање на таблички со назнака РКС.

„Од почетокот на процесот до денес, 26 возачи ги замениле „дивите“ регистарски таблички со таблички на РКС“, велат од Косовското Министерство за внатрешни работи

Оттаму додаваат дека последната пререгистрација на возила е забележана во текот на оваа недела во регионот на Митровица. Според одлуката на косовската влада, од 21 ноември, со по 150 евра ќе бидат казнети сопствениците на возила кои нема да ги пререгистрираат своие возила со ознаки на РКС.