Двејн Врејд на крајот од минатата сезона замина во кошаркарска пензија но трикратниот НБА шампион не ја отфрла можноста повторно да се врати на паркетите. Тој пензионерските денови ги минува во Лос Анџелес и изјави дека тренира за да остане во форма.

Вејд речиси цело лето тренира заедно со неговиот добар пријател Леброн Џејмс, а планира да тренира и кога ќе започнат подготовките за новата сезона и тоа во тренинг центарот на ЛА Лејкерс.

– Завршив со кошарката, но тренерот ќе ме одржува во форма за секој случај. Ќе останам во форма бидејќи никогаш не се знае. Никогаш не вели никогаш – изјави Вејд.