Во Сан Франциско од утре до недела ќе се одржи „Ол-стар“ викендот, а по пет години дел од него нема да биде Лука Дончиќ.

Дончиќ кој неодамна се пресели во Лејкерс доби 1.6 милиони гласови од НБА фановите, меѓутоа нема да биде на натпреварот со сите ѕвезди. Словенечкиот кошаркар не успеа да влезе дури ни како резерва откако се повредија Адетокумбо и Дејвис. На нивно место шанса добија Тре Јанг и Кајри Ирвинг.

Дончиќ не успеа да влезе на „Ол-стар“ натпреварот, меѓутоа постоеше можност да биде избран од кошаркарите или медиумите. Една од причините е што во моментот на селекцијата тој беше повреден и не доби место, а на крајот нема да учествува иако за него гласаа повеќе од 1.6 милиони фанови.

Но, за Дончиќ можеби е и добро што нема да биде дел од главниот натпревар, со што ќе добие дополнителен одмор за натпреварот со Шарлот на 20 февруари.