Европа ќе одговори на сите царини наметнати од американскиот претседател Доналд Трамп на пропорционален начин, изјави во средата комесарот за економија на Европската унија за ЦНБЦ.

„Ако има потреба да ги браниме нашите економски интереси, ќе одговориме на пропорционален начин“, изјави Валдис Домбровскис на маргините на Светскиот економски форум во Давос, Швајцарија. Подготвени сме да ги браниме нашите вредности, но и нашите интереси и права доколку тоа стане неопходно“, додаде тој.

Од неговата инаугурација, Трамп ја повтори својата закана дека ќе воведе царини за стоките од ЕУ кои влегуваат во Соединетите држави, велејќи им на новинарите дека ЕУ е „многу, многу лоша за САД“.  Тој, исто така, рече дека неговата администрација разговара за воведување дополнителни царини од 10 отсто за стоки увезени од Кина, почнувајќи од февруари. Домбровскис рече дека САД и Европа се стратешки сојузници и дека е важно да работат заедно, и геополитички и економски. Европските претставници разговараа со нивните американски колеги за да најдат „прагматично“ решение за дебатата за тарифите, рече тој, истакнувајќи дека глобалниот раст може да настрада доколку се нарушат економските односи меѓу двете нации, пренесува „СЕЕ.биз.еу“.