Кога станува збор за чистење на рерната, веројатно помислувате на вообичаени производи како сода бикарбона, оцет, лимон… што, се разбира, делува кај повеќето луѓе и за кои сме пишувале многупати. Списокот е долг, има и многу ефикасни средства кои можат да се купат, но се сомневаме дека кога ќе помислите да ја исчистите рерната помислувате на – пченкарно брашно.

Да, можеби ви изгледа како бизарна работа, но британските домаќинки се колнат во тоа и велат дека ги отстранува дамките од рерната како од шега.

Една жена го објави својот трик за чистење на рерната со пченкарно брашно во група за чистење на Фејсбук и ги воодушеви корисничките.

– Секогаш кога имам 10 минути слободно време, набрзина ги чистам полиците, вратата од рерната или загорената тава. Ова е вистинско уживање бидејќи знам дека брашното ќе ги исчисти сите флеки. Доволно е да се стави пченкарно брашно во половина чаша топла вода. Најмногу ме лути кога плаќам скапи средства за чистење, а потоа читам во упатството: почекајте производот да почне да делува! Па, уморна сум од чекање, сакам сè да правам веднаш – напишала таа.

Очекувано, нејзината објава предизвика бројни коментари.

– Никогаш не би помислила да користам пченкарно брашно за чистење. Го користев за да го освежам тепихот и плишаното мече на ќерка ми кога беше мала, но не и за чистење на рерната – гласи еден од коментарите, пренесува Мирор.

Друг корисник напиша дека веднаш отишол да го проба овој трик и бил воодушевен од резултатите.

– Ви благодарам што го откривте ова. Сега ова ќе го правам барем на секои две недели – изјави воодушевено.