Неодамна на нашиот официјален инстаграм-профил @slobodenpecat, сосема спонтано и автентично – на ваше барање, а на наше задоволство – започнавме иницијатива за поголема видливост на традиционалните медиуми преку понуда за читање весници во македонските угостителски објекти.

Еден од повеќето угостителски објекти кои ни се приклучија на иницијативата е култниот маалски „Добар“ – бар кој не се рекламира гласно, но секогаш го имате на ум – затоа што некако сите патишта водат до ова место.

„ДОБАР“ – квалитет, неверојатна иновативност и топла, урбана атмосфера

Сместен на мирна, но лесно достапна локација, „Добар“ бар веќе шеста година по ред гради срдечна поврзаност со своите гости, особено преку креативните пијалоци со фантастични состојки кои тука се секојдневие – нешто што го издвојува овој бар од останатите. Не се работи само за кафе, туку за цело искуство што се менува со сезоните, а задоволството – неизбежно! „Добар“ е еден од најиновативните скопски места кога станува збор за вкусни и квалитетни пијалаци.

Тука може да пробате:

Ладно цедено кафе – направено од квалитетни Specialty coffee зрна

Мача лате, кое го служат уште од пред да стане тренд

Кафе на месецот – секој месец ново и необично изнедување

Златно и розево лате – со здрави состојки како куркума и микс од зачинети ноти, цвекло

Филтер кафе – свежо подготвено на Moccamaster апарат со Specialty coffee зрна

Кокосова лимонада – подготвена од природни состојки кои идеално се надопонуваат.

Една од најдобрите понуди на „Добар“ е опцијата да го пиете ладно цеденото кафе каде и да сте. Доколку немате време да седнете и да го испиете омиленото кафе баш тука, можете да уживате каде било, зашто е спакувано е во одлична амбалажа за носење – погодна да си го понесете на работа, прошетка или каде и да посакате.

Но, најверојатно она по кое се навраќаат најмногу љубители на добрите пијалаци, е тоа што секој месец, во „Добар“ ве пречекува нова приказна зад шанкот – „кафе на месецот“ е веќе ритуал за редовните гости, кои со нетрпение чекаат да откријат што ќе биде следното изненадување. Заследете го инстаграм-профилот на „Добар“, каде секогаш ги споделуваат новите иновативни пијалаци.

Погледнете некои од специјалните пијалаци:

Особено убава вест за љубителите на веганските производи, е што во „Добар“ сите пијалаци можат да бидат подготвени и со висококвалитетното млеко од брендот „Oatly“, светски познато по кремастата структура и одличните состојки.

Атмосферата во „Добар“ е погодна за кој било дел од денот. Утрата се уште попријатни со кроасаните достапни во „Добар“, затоа што станува збор за автентични, француски кроасани изработени од локални мајстори, за кои надалеку се зборува. Мирисот и вкус на путер на неодоливите кроасани совршено се вклопуваат со целата квалитетна понуда на пијалаци во барот.

Просторот е уреден во модерен стил, комбинирајќи минималистички и индустирски елементи, надополнети со природни материјали и топли дрвени тонови кои создаваат хармоничен амбиент. Особено е впечатлив подот во шара „рибја коска“ во црно-бела комбинација, што додава динамика и безвременска елеганција во објектот. Најсимпатичен и суштински детаљ е зеленилото, кое не е само декор, туку дел од целото префинето искуство. Уживањето во добар пијалак е уште подобро во вакво опкружување – го разубава денот и смирува умот.

Но она што навистина го прави „Добар“ одлична локација преку ден – се штекерите под масите. Да, звучи обично, ама е клучна работа за сите што сакаат да променат локација и да работат на лаптоп во соодветна атмосфера или едноставно сакаат мирен простор каде со квалитетен пијалок можат да ја поминат првата половина од денот. Токму затоа, „Добар“ е идеално утринско и препладневно место за работа, концентрација и нежна, префинета музика без гужви, без настани – само енергија што ве тера да се фокусирате на тоа што ви носи задоволство во моментот.

А попладне? Атмосферата се менува. Местото станува лесно, топло и отворено – и буквално и симболично. Големата тераса, постојано посетена од најразлични гости (а и кучиња и мачиња – бидејќи „Добар“ е пет-френдли), е фантастична за опуштено дружење со блиските, пријателите, но и за романтична маалска средба. Се пие полека, се зборува релаксирано, а штом се погоди расположението – коктелите влегуваат во приказната.

За време на летните месеци, во „Добар“ ќе ве пречека селекција од пет коктели, внимателно смислени да ве однесат на патување без карта и багаж. Секој од нив е инспириран од состојка специфична за секој од континентите, и претставува покана за обиколка на светот само преку вкусови. Секоја чаша изгледа како да е направена само за вас, а вкусот секогаш ќе ве натера да го запомните името – и да се вратите. Погледнете како изгледа коктелот „Амалфи спритз“, чија база е од традиционалниот италијански ликер од лимон – Лимончело и пенливо вино, освежителен и вкусен за било кој дел од денот.

„Добар“ не е гласен. Нема настани, диџеи, тематски вечери – туку тивко нуди постојана вредност. Оние што го сакаат, го сакаат баш токму поради тоа – затоа што знаат дека во „Добар“ ќе добијат мир за работа, пијалаци што инспирираат, но и пријатно вечерно дружење кое од „ајде на пијалак“ прераснува во чувство на кое сакате да се навраќате.

А на 10 мај, Добар слави 6 години од новата приказна, но вкупно 20 години постоење како угостителски објект. И сè уште е тука – исто добар, ама секогаш автентичен.

Локација: Порта Влае, Скопје

Работно време: 08:00 до 00:00

СЕ ЧИТАМЕ ВО „ДОБАР“!