Директорот на Рускиот фонд за директни инвестиции (РФИФ) Кирил Дмитриев денеска изјави дека се надева дека вистинското разбирање на позицијата на Русија ќе отвори нови можности за конструктивна соработка со САД, вклучително и соработка во инвестициската и економската сфера.

„Дијалогот меѓу Русија и Соединетите Држави, најважниот за целиот свет, е целосно уништен под администрацијата на Бајден. Денес, бројни сили заинтересирани за одржување на тензиите стојат на патот за обновување на конструктивната интеракција во многу земји во светот“, рече Дмитриев, пренесе ТАСС.

Дмитриев оцени дека оние кои сакаат да го спречат дијалогот меѓу Москва и Вашингтон „намерно ја искривуваат позицијата на Русија“, нагласувајќи дека обновувањето на дијалогот со САД е тежок и постепен процес.