Групацијата „Meрцедес Бенц“ планира да подели 5,6 милијарди евра на акционерите откако приходите и нето добивката значително се зголемија во четвртиот квартал од минатата година.

Кварталниот приход на „Meрцедес“ изнесува 41 милијарди евра наспроти 35,24 милијарди евра претходната година. Нето добивката во последниот квартал скокна за 63 отсто на годишно ниво на четири милијарди евра, а на ниво на цела 2022 година добивката е зголемена за 34 отсто на 14,8 милијарди евра.

Заработката пред даноци и камати во последниот квартал порасна на 5,4 милијарди евра. Компанијата предложи на акционерите да им се подели 5,2 евра по акција, што е вкупно 5,6 милијарди евра, пишува Данас рс.