Велика Британија и Иран ги повикаа своите дипломати во Лондон и Техеран на разговори, откако британските власти покренаа обвиненија против тројца ирански државјани како резултат на голема антитерористичка истрага која произлезе од законите за национална безбедност на Обединетото Кралство, објави Ројтерс.

Велика Британија соопшти дека го повикала амбасадорот на Иран, Сејед Али Мусави, во своето Министерство за надворешни работи, додека Иран го повикал британскиот вршител на работите во Техеран поради апсењата на нејзините граѓани, нарекувајќи ги обвинувањата „лажни наводи“.

Тројца мажи се појавија пред судот во Лондон во саботата, обвинети за учество во дејствија кои најверојатно и помагале на странска разузнавачка служба помеѓу август 2024 и февруари 2025 година.

Британската полиција соопшти дека станува збор за странска земја Иран. Уште четворица Иранци беа уапсени претходно овој месец во одделен случај. Полицијата во саботата објави дека тие се ослободени, но дека истрагата се уште е во тек.

Наводите доаѓаат во време на интензивна проверка на сомнителните активности поддржани од Техеран во Велика Британија, при што Лондон неодамна го стави Иран на највисоко ниво во неговиот регистар за странско влијание, соопшти агенцијата.

„Владата на Обединетото Кралство јасно става до знаење дека заштитата на националната безбедност останува наш главен приоритет и дека Иран мора да одговара за своите постапки“, соопшти британското Министерство за надворешни работи.

Иранските државни медиуми објавија дека британски дипломат бил повикан да даде официјално објаснување за апсењето на иранските државјани.

„Одговорноста за несоодветните последици од таквите дејствија, кои се чини дека се мотивирани од политички мотиви да се изврши притисок врз Иран, ќе ја има британската влада“, цитираат државните медиуми изјава на претставник на Министерството за надворешни работи, пренесе Танјуг.