Гоце Димовски, директорот на Дирекцијата за технолошко-индустриски развојни зони (ТИРЗ), во емисијата „Бизнис 21“ на ТВ21 најави дека во скоро време се планирани две големи инвестиции од 95 милиони евра, и две компании кои ќе вработат повеќе од 700 луѓе.

„Крајот на месецов, почетокот на март ќе имаме камен-темелник за нова инвестиција. Се работи за 25 милиони евра, и повеќе од 200 нови вработувања. Станува збор за компанија која ќе произведува системи за греење за бела техника за компанијата БЕКО, која е меѓу најпознатите производители на бела техника во светот. Во дело на другата инвестиција, имаме официјално известување од сериозна компанија за инвестирање во Македонија. Станува збор за инвестиција од 70 милиони евра, но нема да биде како дел, туку ќе функционира како целокупно произовство. Не можам да кажам за што точно се работи, но ќе има повеќе од 500 вработувања. Преговараме со уште многу компании“, рече Димовски.