Излезноста до 11 часот на претседателските 2080 места од вкупниот број запишани гласачи – 1096219, гласале 141087 гласачи, односно 12,87%. Најголема излезност во моментов за претседателските избори има во Пробиштип 27,85%, а најмала Липково 1,76% и во други гласачки места.

-Може да се забележи дека во источна и централна Македонија многу повеќе гласачи гласале на претседателските избори отколку во западна Македонија кадешто процентот е многу низок, рече претседателот на ДИК Александар Даштевски.

Тој се осврна и на излезноста на парламентарните избори до 11 часот.

-Во 11 часот пристигнати се податоци за излезност на гласачите за парламентарните избори од 1976 избирачки места. Од вкупно запишани 1030092 гласачи на овие избирачки места гласале 140990 гласачи, и излезноста е 13,69%. Најголема излезноста за парламентарните избори има во Кривогаштани 28,38%, а најмала излезност има во Врапчиште 5,2%. Споредено со парламентарните избори во 2020 година има зголемување на излезноста од 2,69 на овие избори, рече Даштевски.

Излезноста на изборите по изборни единици е следна: ИЕ1 – 15,75%, ИЕ2 – 12,24%, ИЕ3 – 16,79%, ИЕ4 -14,54%, ИЕ5 -14,1% , ИЕ6 – 7,46%.

До ДИК до овој момент се пристигнати 164 приговори за избирачкото право од кои 50 се усвоени и на изборичите им е дозволено гласање, а 7 биле неуредни, 9 се одбиени, а останатите се во обработка.

-Од шесте избирачките места кои утрово имаат технички проблеми  во 3 места се отстранети, а во три ќе продолжи се гласа по стар начин со УБ лампа и спреј. Тоа се ИМ 0838/1 во Кочани, ИМ 1252 во Охрид, ИМ1100 во Куманово, рече Даштевски.