Домашните уреди стануваат попаметни, но и побрзо застаруваат. Потпирањето на интернет конекција може да ги направи поподложни на дефекти и проблеми поради прекини на мрежата. Технологијата никогаш не напредувала побрзо и не се менувала со такво темпо. Интернетот и конекцијата на далечинско станува секојдневие. Голем дел од нас користат паметни часовници, нараквици, по дома имаме памерни дигитални брави, клима уредите ги вклучуваме и исклучуваме преку апликации на телефон, дури веќе и за автомобил не користиме клуч.

Дигитализацијата полека навлегува и во земјоделството, каде паметните уреди можат да го одредат најдоброто време за берба, врз основа на хемискиот состав на почвата, можат да го изберат најдобриот тип на ѓубриво, додека сензорите ја одредуваат оптималната количина на вода што одредени растенија потреба.

Како што пишува порталот „Пословни“, се повеќе се дигитализира секојдневието. Нашите куќи и автомобили станаа „попаметни“ од кога било досега, а инфраструктурата што не опкружува (лифтови, осветлување, семафори) содржи сензори неопходни за одржување и безбедност.

Уредите кои функционираат на овој начин имаат ново ниво на дигитална интелигенција што им овозможува да комуницираат и разменуваат податоци во реално време без потреба од човечка интервенција. Целта на оваа технологија е да го поедностави животот, но носи и нови предизвици.

Еден од примерите е современото управување со градскиот транспорт со користење на системот, односно оптимизација на работата на семафорите, со цел да се балансира времето на поминување на возилата и просечниот број на застанувања на патиштата.

Сепак, иако има многу предности, оваа технологија има и одредени недостатоци, а безбедноста на ваквите уреди е нешто што најмногу загрижува.

Како што беше посочено, поврзувањето на уредите преку Интернет отвора можност за потенцијални сајбер-напади, хакери и злоупотреба и кражба на податоци, нарушување на услугите или дури и контрола на уредите. Исто така, експертите велат дека овие паметни уреди собираат огромни количини на податоци за корисниците и нивната околина, што може да доведе до нарушување на приватноста на корисниците.

Кога станува збор за доверливоста, има и одредени проблеми бидејќи уредите кои се потпираат на интернет конекција може да бидат подложни на дефекти, мрежни прекини…

Во исто време, брзиот напредок на оваа технологија може да ги направи уредите застарени и непрактични за релативно краток временски период. Недостатокот на долгорочна поддршка од производителот може да предизвика проблеми со одржувањето и надградбите на уредот. Сепак, има се повеќе компании кои се обидуваат да ги решат сите овие недостатоци. Како позитивна работа, се наведува дека паметните уреди во нашите домови можат да испраќаат информации за функционирањето на производот како и за можни дефекти кои често може да се решат пред корисникот да ги пријави преку корисничка поддршка.