Диего Симеоне следното лето ќе го напушти Атлетико Мадрид?!
По 13 години на клупата на Атлетико Мадрид, се чини дека е при крај на една од најдолгите тренерски епизоди во европскиот фудбал.
Препорачано
Диего Симеоне, симболот на модерниот Атлетико, би можел да го напушти клубот на крајот на сезоната, пренесуваат шпанските медиуми.
Според информациите од Пиринеите, одлучувачка улога во овој процес има новиот спортски директор на клубот Карлос Бусеро, кој во последните месеци дискретно размислува за промена на клупата.
Доаѓањето на Бусеро, кој минатата пролет го смени долгогодишниот спортски директор Андре Берта, донесе промена во менаџерската филозофија на клубот. За разлика од неговиот претходник, Бусеро не е приврзаник на стилот на игра на Симеоне и смета дека е време за нова визија на клупата на „јорганџиите“.
Еден од клучните фактори кои Бусеро ги истакнува е огромната плата на Симеоне која изнесува 32,2 милиони евра годишно, што го прави највисоката тренерска плата во светот на фудбалот. Новиот спортски директор смета дека оваа бројка е неодржлива, особено доколку се земат предвид поскромните резултати во последните две-три сезони. Планот на клубот е на следниот тренер да му понуди најмногу половина од сумата, со што годишно би заштедиле над 15 милиони евра.
