Судот во Турција осуди деветмина железничари на повеќе од 108 години затвор за несреќата од пред шест години, при што загинаа 25 лица, од кои седум деца, а беа повредени повеќе од 300 луѓе.

Патнички воз на Турските државни железници излета од шините во јули 2018 година додека минуваше низ округот Чорлу, околу 110 километри западно од Истанбул. Возот сообраќал од Узункопру во близина на грчката граница до станицата Халкала во Истанбул – главната железничка рута на Турција до Европа. Вештачењето покажа дека силниот дожд предизвикал лизгање на земјиштето над железничката пруга и го обвини железничкиот оператор дека не преземал мерки на претпазливост од тешки временски услови.

Судски процес се водеше против 13 вработени во Турските железници, а четворица беа ослободени од обвиненијата. Додека тогашниот регионален менаџер на Турските железници беше осуден на најтешката казна – 17 и пол години затвор. На најмала затворска казна од 8,4 години е осуден заменик менаџерот за одржување на железницата.