Полицијата денеска откри детали од случајот кој ја згрози и ја потресе македонската јавност – 26-годишна битолчанка вчера ѕверски ги нападна сопствените дедо и баба, кои повеќепати ги бодела со нож, по што е уапсена.

Од МВР велат дека таа била пренесена во здравствена установа.

„На 11.06.2025 во 13:40 часот во Битола, полициски службеници од СВР Битола ја лишиле од слобода Е.Т.(26) од Битола. Според пријавеното, околу 13:00 часот во семејниот дом, таа со остар предмет им нанела убодни рани на својата баба Н.С.(70) и својот дедо П.С(78). Тие биле пренесени во Клиничка болница Битола за укажување помош, а Е.А. била задржана во полициска станица, по што била спроиведена во здравствена установа за понатамошна постапка. Известен е јавен обвинител и по целосно документирање на случајот против неа ќе биде поднесена соодветна пријава“, пишува во полициското соопштение.

Хорор во Битола: Внука се обидела да ги убие бабата и дедото, ги бодела со нож