Повеќето славни личности водат животи кои генерално им се добро познати на нивните фанови и медиумите. Но, и покрај медиумската експонираност, некои многу важни аспекти од нивниот живот се помалку познати. Овие 10 познати личности не пораснале со своите биолошки родители, туку добиле шанса за нов живот од нивните посвоители.

Киган-Мајкл Ки

Актерот Киган-Мајкл Ки му кажа на водителот Пит Холмс во подкастот „You Made It Weird“ во 2015 година дека има „многу родители“. По неговото раѓање, тој бил посвоен од пар кој набрзо се разделил, а на 25-годишна возраст Ки имал емотивна средба со својата биолошка мајка.

Лана Кондор

Лана Кондор е позната по нејзината улога во серијата на Нетфликс „To All The Boys I Loved Before“. Таа е родена во Виетнам и посвоена на многу рана возраст.

„Имам и посвоен брат. Не сме во роднинска врска и не дојдовме од иста агенција или нешто слично. Ми се допаѓа тоа што можам да зборувам за посвојувањето и дека е прекрасна работа, наместо да биде тема за која треба да внимаваме“, изјави Лана за магазинот во 2018.

Симон Билс

Златната олимпијка Симон Билс беше посвоена од баба ѝ и дедо ѝ по мајка. Според пишувањата на медиумите, Симон, заедно со нејзините сестри Адрија и Ешли и братот Тевин, пораснала со родители кои се бореле со зависност.

„Мојот пат до успехот започна на денот кога баба ми и дедо ми ме посвоија мене и сестра ми“, изјави еднаш Симон.

Џек Николсон

Актерот Џек Николсон имал 37 години кога дознал навистина неочекувани детали. Имено, жената за која верувал дека му е мајка всушност била неговата баба, додека неговата „сестра“ се покажало дека е неговата вистинска мајка.

„Беше доста драматично, но не би го нарекол трауматично… Тоа всушност ми разјасни неколку работи. Ако нешто, бев благодарен“, рече тој еднаш. Неговата мајка имала само 17 години кога го родила, па ги замолила своите родители да го одгледаат.

Реј Лиота

Покојниот актер Реј Лиота во 2007 година изјави дека му е мило што е посвоен. Седум години подоцна, тој му откри на водителот Лери Кинг како се чувствувал кога ја пронашол својата биолошка мајка.

“Кога ја запознав, сфатив дека тоа го направила од вистински причини. Сфатив дека 99 отсто од децата кои се ставени на посвојување завршуваат таму за да им го подобрат животот”, опишал Реј.

Ајс-Ти

Раперот и актер Ајс-Ти е роден како Трејси Мароу во Њу Џерси. Сепак, поголемиот дел од своето детство го поминал во Лос Анџелес, кога бил посвоен од неговата тетка.

Родителите на музичарот починале кога тој бил сè уште млад. Кога мајка му починала од срцев удар, тој бил трето одделение, а само четири години подоцна, татко му починал од истата причина.

Мерлин Монро

Една од холивудските икони, Мерилин Монро, живеела во неколку згрижувачки домови и сиропиталишта до својата 11-та година. Нејзиниот татко е непознат, а нејзината мајка имала психички проблеми.

Иако неколку семејства сакале да ја посвојат, нејзината мајка одбила да ги потпише документите. На крајот, Мерилин се преселила кај пријателката на нејзината мајка Грејс, а подоцна и кај нејзината пратетка Олив.

Френсис Мекдорманд

Актерката Френсис Мекдорманд е меѓу познатите личности кои се посвоени. Таа е родена како Синтија Ен Смит, а кога имала само една година била посвоена од свештеникот Вернон Мекдорманд и неговата сопруга Норин.

Френсис еднаш рече дека постои можност нејзината биолошка мајка да одела во црквата на Вернон. Актерката има сестра Дороти и брат Кенет.

Никол Снуки Полици

Ријалити ѕвездата Никол Полици, на повеќето попозната како Снуки, често гордо го истакнуваше своето италијанско потекло. Сепак, Снуки е родена во Чиле и бил посвоена од Енди и Хелен Полици на шест месеци.

Зборувајќи со Клои Кардашијан во 2016 година, таа откри дека има 10 браќа и сестри: „Сè уште не сум ги запознала…Дефинитивно сум отворена да патувам во Чиле и да ги запознаам“.

Никол Ричи

Приказната за модната дизајнерка и актерка Никол Ричи веројатно некому им е подобро позната. Кога имала девет години официјално станала член на семејството на познатиот пејач Лајонел Ричи.

Нејзините биолошки родители, Карен Мос и Питер Мајкл Есковедо, биле добри пријатели со Лионел и неговата сопруга Бренда. Карен и Питер минувале низ тежок финансиски период, па Лајонел се понудил да се грижи за Никол.