Во општина Гази Баба започна да се спроведува дератизација, со која ќе бидат опфатени повеќе од 4000 шахти на нејзината територија, а особено оние околу објектите на сите градинки и основни училишта.

Оттаму информираат дека дератизацијата ја извршува сертифицирана компанија, а се спроведува со цел да се  овозможат подобри санитарни услови за децата и воспитно образовниот кадар во секој објект.

Преку дератизацијата, која е процес релевантен ќе спречиме појавата на глодари да се зголемува, во и околу сите објекти и институции на нашата територија. Ние како општина сме во постојана комуникација и координација со нашите служби и во согласност со програмата која ја имаме за заштита и спасување за 2025 година на Општина Гази Баба ќе придонесеме за подобри санитарни услови на целата наша територија. Акцијата е започната од вчера и ќе се одвива во следниве неколку недели, велат од Гази Баба.