Компанијата „Декспрес“ е првата курирска служба која воведе роботи во процесот на сортирање на пратки и го зголеми капацитетот за избор на пакети за над 50 проценти. „Декспрес“, која работи во рамките на „Јунајтед груп“, ја воведе најновата технологија што ја нема ниту една курирска услуга во Србија и го постигна стандардот за пратки за е-трговија што ги користат познатите меѓународни компании „Aмазон“ и „Aли Експрес“, објави Нова рс. Директорот на компанијата „Декспрес“, Никола Ризниќ, вели дека роботите сега можат да обработат 2.500 пратки за е-трговија за само еден час.

„Најновата технологија со роботи ни помага прецизно да скенираме и обработиме зголемен број пратки, што ќе го зголеми нивото на ефикасност и брзина за 50 проценти. Роботите се движат по најбрзите патеки од моментот на товарење на пакетот до истовар, а се надгледувани од четворица работници. Ова е огромен чекор напред за развојот на нашата курирска услуга, која по сите параметри на успех долго време е најдобра во регионот“.

Во моментов, во магацините на „Декспрес“, околу платформата се движат 42 роботи во 62 дефинирани области каде што ги сортираат пратките.