Неделава екипите на ЈП „Паркови и зеленило“ ја започнаа со садење цветен сезонски расад од видот декоративна зелка (brassica) во паркот „Македонија“. Украсните зелки се садеа и на кружниот тек во населба Ѓорче Петров. Фигурата „Штрк“ поставена на булеварот Јане Сандански, како што информираат од претпријатието, е разубавена со расад од љубичици.

Денеска пак, екипите од секторот „Дрвореди“ по барање на ЕВН Македонија и по издадено решение од Секторот за комунални работи на Град Скопје извршија кастрење на надвиснати гранки врз електричните кабли на дел од булеварот 8 Септември и улицата Никола Русински.