Легендата на Барселона, Лионел Меси би можел може да се врати на „Камп Ноу“ во 2024 година. Ова го соопшти спортскиот директор на Каталонците, Деко, кој откри дека има план да се организира проштален натпревар во чест на аргентинскиот фудбалер откако ќе заврши реконструкцијата на стадионот.

– Можеби тоа ќе се случи кога ќе биде готов новиот стадион. Тој секогаш ќе биде најголемиот идол на навивачите во целата историја на клубот. Клубот имаше такви идоли како Кројф и Роналдо, но тој е можеби најголемиот од сите – вели Деко.

Светскиот шампион помина повеќе од 20 години во клубот пред да замине во 2021 година кога се пресели во ПСЖ. Минатото лето Жоан Лапорта се обиде да го врати во Барса, но Меси одлучи да продолжи во Интер Мајами.

– Меси сигурно ќе одигра проштален натпревар во Барселона, но сè уште не можам да кажам кога точно. Тој сè уште игра и се надевам дека ќе продолжи да го прави тоа во наредните години, бидејќи луѓето кои го сакаат фудбалот ќе бидат среќни – рече поранешниот португалски репрезентативец.

Меси со Барселона 10 пати беше првак на Шпанија, по седумпати ги освои „Копа дел Реј“ и шпанскиот Суперкуп, четирипати ја освои Лигата на шампионите, а по трипати УЕФА Суперкупот и Светското клупско првенство.