Новоименуваниот спортски директор на Барселона, Деко, му изрази поддршка на тренерот Чави, кој треба да го продолжи договорот.

Чави, наводно, е блиску до потпишување на едногодишно продолжување на договорот, а Деко инсистира дека тоа било едноставна одлука Барселона да ја задржи клупската легенда.

Критичарите тврдат дека Чави го добива продолжувањето само поради неговата славна репутација во клубот, по импресивната кариера како играч.

Но, Деко јасно стави до знаење дека Чави ја заработил оваа можност со неговата напорна работа како главен тренер во тешкиот период за Каталонците.

– Го познавам Чави како личност, и една од работите што му ја кажав на претседателот на клубот беше дека ни треба трпение и Чави ќе ни го даде ова, би ни дал време да формираме тим. Транзициите се секогаш тешки, но ако не ги правите добро, потребно е многу повеќе време за повторно да им се вратите на победите. Можеби некоја транзиција во последните години не е направена целосно добро. Чави го заслужи својот континуитет. Мора да потпише нов договор бидејќи го заслужи тоа – рече Деко за шпанските медиуми.