Ново детско игралиште е пуштено во употреба во Дељадровци во општина Илинден. Во рамки  на игралиштето поставени се детски реквизити, нишалки и лизгалки, како и клупи, канти за отпадоци за почиста и поубава средина.

Новото детско игралиште се наоѓа во рамки на новоизградениот парк кој веќе извесен период го користат жителите од ова населено место, за дружење и рекреација, такашто и сега новоизграденото детско игралиште ќе биде одлично надополнување на целиот простор, а децата од Дељадровци добија ново катче каде можат да го поминуваат слоборното време во игра и забава. Во наредниот период просторот ќе биде партерно уреден со павер елементи, информираат од Општина Илинден.