Де ла Фуенте: Не е нормално европски шампион да нема нов договор
Селекторот на фудбалската репрезентација на Шпанија, Луис де ла Фуенте, изрази жалење што сѐ уште никој од федерацијата не му понудил нов договор и покрај освоената титула на Европското првенство 2024. Селекторот останува под договор со младинската репрезентација.
Препорачано
Тој сѐ уште е на плата од 600.000 евра, а се шпекулираше дека ќе добие три пати поголема сума. Поминаа месеци, сега го плашат лажните ветувања.
– Не е нормално европскиот шампион да нема нов договор. Не знам дали истото би се случило и со Луис Енрике… Имав понуди, што е нормално со оглед дека сум актуелен европски првак. Не знам дали некогаш се случило вакво нешто во историјата, јас ги имам истите услови како кога бев промовиран од репрезентацијата до 21 година. Би било фер ако веќе потпишав нов договор – изјави Луис де ла Фуенте за Kadena SER и продолжи:
– Би сакал тоа да се реши за доброто на шпанскиот фудбал. Да донесе мир и стабилност. Разбирам дека има стравови и сомнежи за мојот договор. Немам ништо против да чекам да дојде друг претседател, но изборниот процес може да се одложи до декември. Ова мора да се реши пред крајот на годината – вели Де ла Фуенте.
