Шпанските медиуми најавуваат сензационален трансфер на екс-голманот на Манчестер Јунајтед, Давид Де Геа кој би можел да ја продолжи кариерата во шпански второлигаш.

Екипата на Елденсе која во овој момент е на 11. позиција во втората лига во Шпанија и сака да се приклучи во борбата за место во Ла Лига започнала преговори за доведување на Де Геа.

Де Геа со овој клуб би потпишал договор до летото 2025 година, а во договорот би биле вклучени клазули за бонус во случај екипата да се избори за место во елитата.

Наводно, само лекарските прегледи го делат Де Геа од потпис со Елденсе. Ако трансферот навистина се реализира тоа секако ќе биде изненадување бидејќи се очекуваше голманот да продолжи во некоја од најсилните лиги во Европа.