По цела деценија помината на „Етихад“, белгискиот ас Кевин Де Брујн ќе ја заврши својата приказна со Манчестер сити и тоа во сезона без освоен трофеј. Искусниот плејмејкер вчера го одигра свое последно финале во дресот на Сити, кое заврши со пораз од Кристал палас во ФА Купот, а сега го очекува ново животно и фудбалско поглавје.

Иако веќе е јасно дека Де Брујн си заминува од Манчестер, не е познато каде ќе ја продолжи кариерата. За неговиот потпис се борат повеќе клубови, меѓу кои Чикаго Фајер од САД и италијанскиот Наполи, но интерес има и од Премиерлигата. Белгиецот не крие и дека би можел да заигра во друг англиски клуб.

„Останување во Англија? Зависи кој ќе дојде со понуда. Имам семејство, деца… одлуката мора да биде добра за сите. Не е едноставно“, изјави Де Брујн.

Покрај англиските клубови, сериозен интерес постои и од страна на клубови од американската МЛС лига. Сепак, Де Брујн  потенцираше дека сè уште има желба да игра на врвно ниво:

„Разговарам со други клубови, да. Сакам и понатаму да играм квалитетен фудбал, без оглед каде ќе бидам.“

🚨 Kevin De Bruyne: “I’m speaking to clubs about my future, yes. I want to play good football, whatever the decision”.

“Staying in England? I t depends who comes… I have a family, kids, I have to take care of a decision that suits everybody. The decision is complex”, told Sky. pic.twitter.com/9P68OeOuqu

— Fabrizio Romano (@FabrizioRomano) May 17, 2025