Претседателката Гордана Сиљановска Давкова, во рамки на состанокот на земјите учеснички во „Процесот Брдо-Бриони“, се сретна со албанскиот колега, Бајрам Бегај, на којашто го поздравила напредокот на земјата во процесот на интеграцијата во ЕУ и отворањето на петтиот од вкупно шесте кластери.

Како што соопштија од кабинетот на претседателката, Бегај истакнал дека дел од земјите членки на Унијата сакаат многу брзо да го видат регионот во рамките на ЕУ и изразил подготвеност за помош и поддршка во процесот на македонската евроинтеграција.

– Обајцата ја повторивме потребата од негувањето на меѓусебното партнерство на мултилатерален план и се согласивме дека треба да се прошири и продлабочи соработката на сите полиња – порача Давкова.

Одобрен стартот на преговорите за членство на Албанија во ЕУ по кластери

Албанија ги почна преговорите со ЕУ во октомври минатата година.

– Албанија ќе биде првата меѓу земјите кандидати за членство што ќе ги отвори пристапните преговори според ревидираната методологија за проширување, што ќе биде клучен момент за оваа земја од Западниот Балкан – соопшти тогаш унгарското претседателство со Европската Унија.