Кралот Фредерик ги изненади историчарите со промената на кралскиот грб, кој сега во поголема мера ги истакнува Гренланд и Фарските Острови, што многумина толкуваат како одговор на изјавите на новоизбраниот американски претседател Доналд Трамп за купување на Гренланд.

По помалку од една година откако ја наследи својата мајка, кралицата Маргарет, која се повлече на 31 декември 2023 година, кралот Фредерик јасно ја кажа својата намера да ги задржи Гренланд и Фарски Острови во рамките на Данска.

Трите круни беа отстранети и заменети со поларна мечка и овен, симболизирајќи ги Гренланд и Фарските Острови, пишува Гардијан.

Промената доаѓа во време на зголемени тензии околу Гренланд, кој останува автономен, но е контролиран од Данска надворешната и безбедносната политика.

Трамп минатиот месец повторно рече дека сака САД да го купат Гренланд, додека премиерот на Гренланд Муте Егеде, ја обвини Данска за геноцид поради истрагата за задолжителната употреба на контрацепција во 1960-тите и 1970-тите.

Исто така, синот на Трамп, Доналд Трамп Џуниор, денеска планира да го посети Гренланд, а официјални лица изјавија дека посетата ќе биде приватна и Трамп Џуниор ќе се фокусира на снимање материјал за подкаст.