Ѕвездата на Реал Мадрид, Дани Карвахал е еден од неколкуте фудбалери кои се незадоволни поради зголемениот број на натпревари оваа сезона.

Шпанскиот репрезентативец и член на „кралевите“ откри дека играчите планираат радикален протест поради зголемениот број на натпревари.

– Штрајкот поради премногу натпревари во текот на сезоната е опција, можност која ние играчите ја разгледуваме. Никој ништо не ги прашува фудбалерите, воопшто не ни обрнуваат внимание и затоа мораме да го кренеме гласот – изјави тој за радио емисијата Tiempo de Juego.

На пример, Реал Мадрид минатата сезона одигра 55 натпревари, а можно е оваа бројка да биде уште поголема оваа сезона (над 70) поради новиот формат на Светското клупско првенство.

Шпанската репрезентација во која настапува и Карвахал, од минатото лето до ова одигра дури 18 натпревари, што воопшто не им одговара и јасно е зошто се револтирани.

Алисон за новиот формат во ЛШ: Никој не ги прашува играчите, нашето мислење можеби не е важно