Утре од 16:00 часот репрезентацијата на Хрватска ја очекува натпреварот против Бразил во четвртфиналето од Светското првенство. Бразил во досегашниот дел од Мундијалот прикажа фантастична игра и ќе биде фаворитот во овој натпреварот.

Натпреварот против Бразил го најавија селекторот Златико Далиќ и капитенот Лука Модриќ на денешната прес-конференција за медиумите.

„Со пласманот во четвртфиналето направивме голема работа, но без оглед на тоа сакаме уште повеќе. Знаеме што не чека, можеби и најголемиот натпревар на турнирот против еден од фаворитите за освојување на титулата. Мораме да бидеме на високо ниво и да го дадеме нашиот максимум како и досега. Ако одиграме најдобро како што знаеме сигурно имаме шанси, но Бразил секако е фаворит“.

Новинарите го запрашаа Далиќ и за натпреварот на Србија против Бразил, а Далиќ потенцираше дека тоа што и се случило на Србија во тој натпревар не смее да и се случи сега на Хрватска.

„Го гледавме натпреварот на Србија против Бразил, Србија еден час играше одлично, но потоа играчите станаа нервозни. После голот на Бразил, Србија падна. Ние не смееме да влеземе во таква нервоза, не смее да ни се случи тоа. Мораме цело време да бидеме дисциплинирани и да ја чекаме нашата шанса“.

Лука Модриќ пред Мундијалот најави дека ќе се повлече од репрезентацијата, меѓутоа сега не е толку сигрен.

„Ќе видиме што носи иднината. Сега сум фокусиран само на овој натпревар. Се радувам што ќе играм против некои поранешни и сегашни соиграчи, но пријатели можеме да бидеме само после натпреварот. Секој го сака најдоброто за својата држава“, изјави Модриќ.