Хрватскиот селектор Златко Далиќ денеска го објави списокот на повикани фудбалери за натпреварите од Лигата на нации во кои Хрватска ќе игра со Полска и Шкотска, но и потврди дека Лука Модриќ ќе продолжи да го носи репрезентативниот дрес.

Се шпекулираше дека Модриќ може да се повлече по настапот на Европското првенство, меѓутоа тоа не се случи.

Модриќ е на списокот како и Перишиќ кој во изминатите денови беше во центарот на вниманието поради ситуацијата во Хајдук од каде што си замина.

„Натпреварите во Лигата на Нации ќе бидат добра платформа да создадеме тим кој ќе се квалификува на СП 2026 година. Во споредба со Европското првенство ги немаме Вида и Брозовиќ, но среќни сме што Модриќ е тука. Капитенот останува со нас и тој е наша голема сила на теренот“, изјави Далиќ.

СПИСОКОТ НА ХРВАТСКА

ГОЛМАНИ: Доминик Ливаковиќ, Доминик Котарски, Недиљко Лабровиќ.

ОДБРАНА: Јошко Гвардиол, Дује Чалета-Цар, Борна Соса, Јосип Станишиќ, Јосип Шутало, Марин Понграчиќ, Мартин Ерлиќ.

СРЕДЕН РЕД: Лука Модриќ, Матео Ковачиќ, Марио Пашалиќ, Ловро Мајер, Лука Иванушевец, Лука Сучиќ, Кристијан Јакиќ, Мартин Батурина, Петар Сучиќ.

НАПАД: Иван Перишиќ, Андреј Крамариќ, Бруно Петковиќ, Анте Будимир, Игор Матановиќ.