Иако се чини дека понудата на станови е голема, сепак побарувачката е поголема и поради тоа економистите очекуваат да продолжи растот на цените на недвижностите, а особено во градот Скопје.

Трендот на понудата на станови се гледа од податоците на Државниот завод за статистика, кои покажуваат дека во 2020 година бројот на завршени станови е 1 194, што е речиси за 60 % помал во однос на 2019 година, кога биле завршени 2 905 станови.

Растот на побарувачката може да се спореди преку порастот на издадените банкарски станбени кредити од извештајот што го објави Народната банка.

Според податоците на Народната банка, салдото на издадени станбени кредити со состојба во јуни 2021 година изнесува 1 024 милијарди евра, што е за 136 милиони или 15,3 % повеќе споредено со истиот период во 2019 година.

Оваа година инвестициите во градежништвото бележат нагорен тренд, при што може да се забележи податокот дека во последните 12 месеци во Скопје се издадени одобренија за градење вкупно 2 936 нови станови што би биле готови во следните 24 месеци.

Намалената понуда на станови на пазарот е индикатор дека во следниот период цените на метар квадратен на становите веројатно ќе продолжат да растат.