Во приказната објавена деновиве Дајана де Вег тврди дека била во вонбрачна врска со покојниот американски претседател Џон Ф.Кенеди, а нивната врска започнала кога таа имала 20 години.

Жената која тврди дека била една од љубовниците на Кенеди, реши да ја раскаже својата приказна, пишувајќи ја сама. Приказната на денес 83 годишната Дајана де Вег објавена е пред неколку дена, а меѓу другото крие и детали од нејзината наводна афера со 35-от американски претседател Џон Ф.Кенеди и тоа кога таа имала 20 години и била двојно помлада од него.

 

View this post on Instagram

 

A post shared by Mary Elizabeth Andriotis ? (@maryandriotis)

Дајан открива дека сè започнало во 1958 година, откако Кенеди неколкупати ѝ рекол дека е посебна. Токму тие зборови го привлекле нејзиното внимание, но исто така признава дека нивната врска ни најмалку не била романтична, и ѝ требале години да се опорави од таа афера, како и да собере храброст за да ја раскаже својата приказна.

Како што вели, нејзе не ѝ пречело што Кенеди и во брак.

 

View this post on Instagram

 

A post shared by Kennedyesque (@thekennedys_americanoriginals)

„Никогаш не ја ни спомнуваше жена му, така што не ни размислував за неа“ – пишува во објавената приказна.

Кенеди во 1953 година се оженил со Џеки Кенеди, која по атентатот извршен над него во 1963 година, останала вдовица со две малолетни деца. Сепак фактот дека бил во брак, воопшто не го спречувал да се забавува со други жени.

Де Вег се запознала со претседателот кога се запишала на факултетот „Редклиф“, а нивната прва средба се случила во тек на вечерта организирана во чест на претседателот и тогаш го освоила со својата појава. Потоа се сретнале уште неколку пати, а подоцна Кенеди ја поканил во својот стан во Бостон.

„Во тој стан се случи чудо. Ме гледаше толку искрено и знаев што чувствува кон мене. Не се ни посомневав во тој миг во таа длабока поврзаност која ја имавме. Тоа сигурно беше љубов“ – пушува Дајана, свесна дека во тој миг започнала нивната врска, но исто така не ни размислувала за можните последици.

Како минувало времето, нивната врска станувала сè понапната, посебно откако Кенеди станал политички силен. И покрај сето тоа, решила да остане со него, поради што се откажала од понатамошното школување и се преселила во Вашингтон, каде тој во 1960 година е избран за американски претседател.

Непосредно пред изборите, Де Вег откри дека татко ѝ бил на работна вечера со Кенеди, несвесен дека седи со љубовникот на ќерка му, а и ЏФК не знаел со кого седи. Кој ѝ е тако дознал во тек на подготовките за својата инаугурација, кога со Дајана веќе се оддалечиле. Подоцна самата таа сфатила дека била само бројка на неговата долга листа љубовни афери.

„Мажот за кој мислев дека со него имам љубовна врска едноставно не знаеше да ги поврзе точките. Тој сакаше да ме изолира од сè и осамена да ја исчекувам секоја негова посета“ – открива таа.

Воедно Дајана додава дека во тоа време почнале до неа да допираат гласини и одредени женски имиња да се поврзуваат со Кенеди, а иако ниту една од тие девојки не ја познавала, љубомората кај 22-годишната девојка довела до тоа опсесивно да ги истражува.

Во тек на една од тие средби таа го обвинила дека веќе не ја сака, а во тој момент и самата сфатила дека во последно време ја избегнува на сите можни начини. На врската ѝ дошол крајот, а Де Вег ја напуштула својата работа во Националниот совет за безбедност и почнала нов живот во Париз. Таму среќата ја нашла работејќи во социјална служба, за да на крај отвори приватна ординација за психотерапија.

Извор: „Daily mail“