Утре во Градски парк ќе се одржи едукативниот настан наречен „Да ја обновиме шумата за волкот“, на кој сите присутни ќе имаат можност да научат како од собрани желади под стеблата на дабовите дрва, може да создадат сопствени садници во саксии направени од стари весници.

По една година, овие садници ќе можат да се засадат во природа, придонесувајќи кон обновата на шумите. Садниците ќе бидат засадени во регионот Буковиќ, кој е од витално значење како биолошки коридор за балканскиот рис – информираат од Македонското еколошко друштво, кои се организатори на настанот заедно со ППНЕА и Регионалната канцеларија на ИУЦН за Источна Европа и Централна Азија,

Создавањето дабови садници ќе започне во 11 часот кај третото езерце во Градскиот парк.

Проектот целосно го поддржа Шведската поштенска фондација.