Доктор Илчо Ефкоски за „Слободен печат“ објаснува дека изложени на ризик од сериозна болест од ковид -19 се постарите луѓе, но, ризикот може да се зголеми и кај луѓе на која било возраст кои имаат сериозни здравствени проблеми – како што се болести на срцето или белите дробови, ослабен имунолошки систем, дебелина или дијабетес.

Секој од факторите засебно може да го зголеми ризикот од проблеми со ковид-19, колку повеќе толку е поголем проблем за регулирање.

-Луѓето на која било возраст може да се заразат, но најчесто тешко поминуваат средовечните и постарите возрасни лица. Ризикот од развој на опасни симптоми се зголемува со возраста, при што оние кои имаат 85 години или повеќе, се изложени на најголем ризик од сериозни симптоми. Постарите луѓе исто така имаат и поголема веројатност да имаат Алцхајмерова болест. Тоа може да им го отежне запомнувањето на мерките за заштита кои се препорачани за спречување на заразувањето. Ковид -19 ги ​​таргетира белите дробови. Поголема е веројатноста да развиете тешки симптоми ако веќе имате хронични проблеми со белите дробови, вклучувајќи хронична опструктивна белодробна болест (ХОББ), рак на белите дробови, цистична фиброза, белодробна фиброза, умерена до тешка астма, пулмонална хипертензија, белодробна емболија и апнеа при спиење, вели доктор Ефкоски.

Тој додава дека многу срцеви заболувања може да предизвикаат поголема веројатност да развиете тешки симптоми на ковид-19, но главни се кардиомиопатија, вродените срцеви заболувања, срцева слабост, коронарна артериска болест, длабока венска тромбоза, мозокот и нервниот систем.

Две болести сепак се издвојуваат, а тоа се мозочниот удар и деменција, дијабетесот и дебелината.

-Дијабетесот тип 1 и тип 2 може да го зголеми ризикот од сериозни симптоми на ковид-19. Повисок индекс на телесна маса, што се смета за прекумерна тежина, дебелина или сериозна дебелина, исто го зголемува ризикот. Колку поголем индекс, толку поголем ризик. Луѓето кои моментално имаат рак се изложени на поголем ризик да развијат потешка болест. Ризикот варира и во зависност од видот на ракот и од видот на третманот. Српестата анемија е состојба која го зголемува ризикот од тешки симптоми на ковид-19. Ова наследно нарушување предизвикува вашите црвени крвни зрнца кои се деформирани рано да умираат, така што кислородот не може да се транспортира низ вашето тело. Исто така, предизвикува болни блокади на малите крвни садови, вели доктор Ефкоски.

Тој потсетува дека многу состојби и третмани можат да го ослабат имунолошки систем, вклучувајќи ги трансплантацијата на органи, третманите за рак, трансплантацијата на коскена срцевина, ХИВ/СИДА, долготрајната употреба на лекови кои го ослабуваат имунолошкиот систем, хроничните заболувања на бубрезите и на црниот дроб.

-Депресијата и нарушувањата во спектарот на шизофренија, може да донесат поголема веројатност за развивање сериозни симптоми на ковид-19. Исто така луѓето со Даунов синдром имаат поголема веројатност да развијат инфекции на белите дробови, па затоа се особено ранливи кон ковид-19. Тие исто така се изложени и на поголем ризик веќе да имаат развиено многу здравствени проблеми кои се поврзани со развој на тешки симптоми на ковид-19, вклучувајќи срцеви заболувања, апнеја при спиење, дебелина и дијабетес. Вакцината може да спречи сериозно да се разболиме ако заболиме од ковид-19. Откако ќе бидете целосно вакцинирани, можете побезбедно да се вратите на многу активности кои можеби не сте биле во можност да ги направите поради пандемијата. Меѓутоа, ако сте во област со голем број нови случаи на ковид-19, препорачувам да носите Н95 заштитна маска во јавни затворени простории и на отворено во гужви, но и кога сте во близок контакт со лица кои не живеат во вашиот дом, вели докторот.

Според него, сепак е најдобро никогаш да не се разболиме од ковид-19!

-Дополнителна доза на вакцина (бустер) против Ковид-19 се препорачува за луѓе кои се целосно вакцинирани и можеби немале доволно силен имунолошки одговор. Истата се препорачува и за луѓе кои се целосно вакцинирани и чиј имунолошки одговор е ослабен со текот на времето. Вакцинирајте се кога ќе ви дојде вашиот ред за вакцинација. Разговарајте со вашиот лекар околу ризикот и вакцината, болестите, вели Ефкоски.