Покрај сите зеленчуци и овошја, ретко помислувате дека и некои цветови можат да се најдат во вашата чинија, како одлично надополнување на многу јадења.

Цветовите од кромидот и лукот се вкусни во зелена салата, компир салата или комбинација со тестенини и разни сосови.

Младите листови и нерасцветани цветови од глуварчето се подготвуваат заедно со спанаќ, блитва и друг зеленчук како јадење или во салата.

Невенот е едноставен цвет, кој го има во речиси секоја градина, а до неговите цветови можете да го издвоите средниот дел и да го ставите во салата.

Како и тиквичките така и нивните цветови се добар извор на витамин Ц, калиум и фолати. Нежните цветови од тиквички можат да се јадат свежи или во разни салати и да се послужат како декорација во јадењата. Одлични се полнети, особено со рикота.

Камилицата има цветчиња со вкус сличен на јаболката. Од камилица можете да направите и ликер што ќе го користите за изработка на домашен сладолед, но избегнувајте ја ако сте алергични на неа.

Цветот од хибискус како и другите делови од билките се користи за подготовка на џемови, зачини, супи и сосови.

Бозелот е познат како билка од која се прави чај или сок, а помалку е познато дека цветовите можат да се поховаат и да послужат како главно јадење со месо или десерт и компот.