Манчестер јунајтед и понатаму нема ниту едно договорено засилување за наредната сезона со што се зголемува нервозата кај навивачите но и кај тренерот Оле Гунар Солскјер кој бара од управата да реагира. Солскјер дури и јавно побара од челниците на Јунајтед да му донесат неколку засилувања за да се зголеми конкуренцијата, но засега се се сведува само на шпекулации.

Англичаните сè се подалеку од договор со Борусија Дортмунд за трансфер на Џејдон Санчо, германскиот тим не сака да го намали обесштетувањето кое изнесува 120 милиони евра, а засега Јунајтед не е подготвен да ја плати оваа сума. Германските медиуми објавија дека Санчо има договор со Борусија со 2023 година, а исто така има и некаков договор и со Ливерпул кој ветил дека идното лето ќе се обиде да го купи англискиот репрезентативец и тоа за сумата која ја бара германскиот тим.

Јунајтед има намера да ја „испразни“ клупата на Барса!?

Откако пред неколку часа се појави информација дека Манчестер јунајтед планира да ја испразни соблекувалната на Барселона, италијанските медиуми тврдат дека „црвените ѓаволи“ ќе купуваат во Серија А и тоа од шампионот Јувентус. Во Јунајтед се свесни дека Јувентус има финансиски проблеми и ќе мора да продава неколку фудбалери, а тие подготвуваат понуда за бразилскиот тандем Даглас Кошта – Алекс Сандро.

Според медиумите во Италија, првата понуда на Јунајтед од 30 милиони евра за Кошта е одбиена бидејќи Јувентус бара 10 милиони евра повеќе, но се очекува да се договорат со крајот на преодниот рок.
Што се однесува до Алекс Сандро, Јувентус е подготвен да се раздели со дефанзивецот доколку пристигне понуда од 40 милиони евра и со тие пари да се обиде да го донесе Емерсон Палмиери од Челси.