Во атарот на селата Брзак и Умни Дол во Кумановско синоќа во 23:50 часот запалено е стрниште, информираат од Центарот за управување со кризи. Зафатена е површина од околу 150 хектари и пожарот е сè уште активен.

Во гаснењето на пожарот интервенираат 3 пожарникари со 1 ПП возило – извести ЦУК.

Пожар синоќа имаше и кај село Брушани, Општина Кавадарци, реон каде што вчера пожарникарите интервенираа во два наврата – во 17:30 и во 21:30 часот.

Од ЦУК соопштија дека пожарот е локализиран утрово во 04:00 часот, по целовечерен постојан ангажман на пожарникарите од ТППЕ Кавадарци и тимот на подружницата „Бор“ на ЈП „Национални шуми“.

Вториот пожар кај с. Брушино е локализиран утрово – нема ангажман на воздухоплови, соопшти ЦУК