Иако стигна до најдобриот резултат во кариерата во Австралија, Стефанос Циципас одлучи да ја прекине соработката со својот тренер.

Циципас и Патрик Муратоглу одлучија да се разделат по осум години партнерство. Повеќе грчки медиуми пренесуваат дека третиот тенисер во светот одлучил да му се заблагодари на Французинот непосредно пред првиот грен-слем во сезоната.

Нивното партнерство вклучуваше употреба на Муратоглу акадмијата во Ница во замена за ликот на грчкиот тенисер да се рекламира на академијата. Но, веќе подолго време е познато дека прв тренер на грчкиот тенисер Апостолос, таткото на Стефанос Циципас, иако Французинот повремено се појавуваше во неговиот бокс.

Муратоглу во последно време се насочи кон работата со младиот дански тенисер Холгер Руне. Ќе потсетиме, Циципас на неодамна завршниот Австралија Опен стигна до самото финале и заедно со финалето на Ролан Гарос тоа е негов најдобар резултат во кариерата.