Американската шпионска агенција, ЦИА, на сите свои вработени им понудила можност за доброволна оставка во вторникот, се открива во извештајот на Волстрит журнал, додека Доналд Трамп бара намалување на федералната влада.

Доколку се потврдат информациите, ЦИА ќе стане првата разузнавачка агенција која започна бран на раскинувања на договори под притисок на републиканскиот претседател, кој вети длабоки кратења на јавната потрошувачка за време на неговата изборна кампања.

ЦИА, исто така, го суспендираше регрутирањето на кандидатите на кои веќе им дала понуди за работа, според Журнал, кој цитира соработник на нејзиниот нов директор, Џон Ретклиф.

Анонимниот извор на весникот истакна дека понудите може да бидат повлечени во случаи на кандидати чиј профил не ги исполнува новите цели на ЦИА. Меѓу нив се: борбата против нарко-картелите, придонесот за новата трговска војна што ја започна претседателот Трамп, како и акциите против Кина, пишува Волстрит журнал.

Сепак, не е исклучено ЦИА да се соочи со нови проблеми, откако Трамп вчера даде шокантна објава за клучниот регион на Блискиот Исток, дека Соединетите Држави ќе добијат „сопственост“ на Појасот Газа, палестинска енклава која претрпе огромно уништување по 16 месеци војна меѓу израелската армија и Хамас.

Немаше одговор кога агенцијата Франс прес се обиде да контактира со претставник на разузнавачката служба.

Иако сè уште не е потврдено реосновањето на шпионската агенција, во тек е распуштање на друга федерална агенција, Агенцијата за меѓународен развој (УСАИД ). Околу 10.000 вработени на УСАИД ќе добијат отказ од задутре, петок, соопшти неговата нова администрација.

Најмалку 20.000 федерални работници досега ја прифатиле понудата на Трамп за заминување со отпремнина