Со 365 активни компании во оваа индустрија, вкупната добивка на секторот во 2023 година изнесуваше повеќе од половина милијарда динари – дури четири пати повеќе од претходната година. Во последните три години, приходите на секторот се зголемија за повеќе од две и пол милијарди динари, достигнувајќи 10,7 милијарди. Неколку фактори стојат зад овој раст: поголема свест за важноста на хигиената, зголемување на бројот на сложени објекти кои бараат професионални услуги, но и сè почестата одлука на компаниите да ја препуштат оваа услуга на надворешни тимови. Меѓу успешните примери во овој бизнис е компанија од Белград предводена од претприемачката Бојана Роќен Даниловиќ, која го дуплираше својот промет само во првите три месеци од оваа година, пишува Каматица.

– Клиентите сè повеќе ја ценат транспарентноста, точноста и сигурноста, кои се наши клучни адути – објаснува таа.

-Генерално, недостасува системска поддршка за услужни дејности како нашата, што би помогнало за побрз развој на секторот и раст на вработеноста. Одржувањето на хигиената е клучно за јавното здравје и треба повеќе да се препознава, бидејќи инвестициите во оваа област директно влијаат на квалитетот на животот и работата на граѓаните – вели Роќен Даниловиќ.