Чилеански суд на доживотен затвор осуди 12 членови на бандата Трен де Арагуа, основана во Венецуела.

Вчера дванаесетте обвинети беа прогласени за виновни за убиство, киднапирање и трговија со луѓе. Меѓу нив се 11 венецуелски државјани и еден кој има колумбиски идентитет, но може да биде и венецуелски државјанин, соопшти обвинителството.

Еден од наводните водачи на Трен де Арагва во Чиле беше осуден на доживотен затвор, а четворица други на отслужување високи казни, за киднапирање, формирање банда и трговија со луѓе.

Седум други членови на бандата беа осудени на казни од 2 до 22 години затвор.

Во март, чилеанското судство веќе осуди 34 членови на Трен де Арагва на казни доживотен затвор.

Трен де Арагва е меѓународна криминална организација вклучена во изнуда, убиства, трговија со дрога и луѓе во различни латиноамерикански земји.

Во февруари, таа беше меѓу латиноамериканските картели додадени од администрацијата на Доналд Трамп на црната листа на САД на меѓународни „терористички“ организации.