Кошаркарките на Сиетл Сторм ја освоија титулата во ВНБА лигата откако во финалето со максимални 3:0 го победија Лас Вегас Ејсис, а во последниот наптревар беа и повеќе од убедливи, 92:59.

Најзаслужна за победата во последниот трет натпревар беше Бријана Стјуарт која минатата сезона не играше поради повреда. Таа во последниот натпревар постигна 26 поени, а одлична партија прикажа и Џевел Лојд со 19 поени.

– Добро се сеќавам каде бев минатата година во ова време, дома со семејството го следев финалето. Чувството е неверојатно да се биде на теренот знаејќи ништо што поминавме оваа сезона – изјави Бријана која е прогласена за МВП на финалната серија.

Сиетл Сторм по четврти пат ја освои титулата во ВНБА лигата со што се израмни со Хјустон Кометс и Минесота Линкс, како најуспешни екипи во ова натпреварување.