На подрачјето на Град Скопје изминатиот викенд се случиле 28 сообраќајни незгоди, од кои во 14 има повредени лица, а во 14 е причинета материјална штета. Според билтенот на СВР Скопје, повредени се вкупно 19 лица, од кои четири потешко и 15 полесно.

Сообраќајната полиција санкционирала 156 возачи кои возеле со поголема брзина од дозволената и 37 возачи кои биле под дејство на алкохол.

Од сообраќај се исклучени и 76 возачи кои возеле пред да се стекнат со правото на управување на моторно возило и 11 возачи почетници. Исклучени од сообраќај се и 62 нерегистрирани возила.

Издадени се 131 мандатна казна за непрописно паркирање, а 95 возила кои биле непрописно паркирани се подигнати со специјалното возило „пајак”.

На црвено светло поминале 17 возачи, пет возачи не дале првенство на минување на пешаците на обележан пешачки премин, еден за неправилно престројување и четворица за неправилно престигнување, а евидентирани се и 26 возачи кои користеле мобилен телефон додека возеле. За не користење заштитен шлем санкционирани се 43 возачи на мотор, мопед и мотоцикл, како и девет возачи за не носење сигурносен појас.