Во брутален напад на четворица средношколци од друго училиште, во тетовски школски двор вчера бил претепан ученик, кој поради повредите бил префрлен во болница, соопшти полицијата.

„На 30.05.2025 година во 13:05 часот во СВР Тетово, Г.Ш. од градот пријавил нарушување на јавниот ред и мир во дворот на тетовско средно училиште, во кое нивен малолетен ученик бил физички нападнат од четворица малолетници ученици од друго средно училиште, по што нивниот ученик бил префрлен во Клиничката болница во Тетово за укажување на лекарска помош. Се преземаат мерки за целосно расчистување и документирање на случајот“, пишува во полициското соопштение.