Ретко писмо испратено до британската кралица Елизабета Прва од долгогодишниот пријател Роберт Дадли, војвода од Лестер, е продадено за 39.000 евра, четирипати повеќе од проценетата вредност, пренесуваат странските медиуми.

Дадли во писмото упатува на неодредена, но важна државна работа во врска со животот на самата кралица и веројатно е поврзана со политиката на Англија кон Шкотска по заговорот Трокмортон од 1583 година.

Дадли и Елизабет се познавале уште од детството и биле пријатели до неговата смрт.

Експертите од аукциската куќа „Лајон енд Трнбул“ успеале да откријат само две писма од војводата до Елизабета Прва. Едното е во библиотеката Фолгер Шекспир во Вашингтон, а другото во Националната архива во Лондон и е напишано само неколку дена пред да умре војводата.

Друго писмо беше продадено на аукција, напишано и потпишано од постарата ќерка на Хенри Осми, кралицата Мери, позната и како Крвава Мери, коњ достигна околу 45.000 евра, двојно повеќе од бараната цена.