Четворица новинари се убиени во неодамнешниот израелски напад врз болницата Насер во Газа.

Снимателот Хусам ал-Масри, ангажиран во агенцијата Ројтерс, беше убиен во првиот ракетен напад врз комплексот во Кан Јунис утрово.

Една од најистакнатите фоторепортерки во Газа, Маријам Абу Дага, снимателот на Ал Џезира Мохамед Салама и фоторепортерот Моаз Абу Таха исто така беа убиени во вториот напад, кој беше емитуван во живо на телевизија.

Тие беа меѓу најмалку 15-те лица убиени од Израел, кој прво испали една ракета, а потоа уште една неколку моменти подоцна, додека пристигнуваа спасувачките екипи, пишува Метро.ук.

Фотографот Хатем Халед, кој исто така работи за Ројтерс, беше ранет во вториот напад.

Речиси 270 новинари и медиумски работници беа убиени од Израел во 22 месеци војна – или околу 13 новинари секој месец – според пресметката на Ширен.пс.