Фото: Wikimedia commons

Четири децении шири радост со хитовите „Ладна како камен“, „Дупла вотка“, „Косоока“: Денеска роденден прославува нашиот пејач Дарио Панковски

Дарио Панковски или познат само како Дарио е роден на 23 јануари 1963 година во Скопје. Тој веќе четири децении, шири радост меѓу луѓето со своите хитови, раскажува и тажни љубовни приказни, а како човек е прилично едноставен и им се радува на малите нешта.

Својата музичка кариера ја започнал во 1980 година како дел од новоформираната њу-вејв музичка група „Бон-Тон“.

Најпознати хитови од тоа време се „Добрите девојки“, „Таа мала Маја“ и Старо Купувам. Со „Бон-Тон“, Дарио учествувал на неколку фестивали од кој најзначаен е „Макфест“, а по распаѓањето на групата, Дарио неколкупати учествувал на „Макфест“ и како солист.

Во 1992 година е формирана групата Дарио и „Миг-21“. Истата година беше издаден нивниот прв албум насловен како „Бактерија“. Од овој албум најголеми хитови се песните „Ладна како камен“, „Косоока“ и „Викни ме на чај“ кои и ден-денес се слушаат.

По неколкуте промени во составот на членовите на групата, во 1994 година бил издаден и нивниот втор албум насловен како „Фанки саунд“. Од овој албум најголеми хитови станале песните „Дај да заспијам“, „Сети се“ и „Секој сака“.

Песната „Дај да заспијам“, која претставува латино-балада, била прогласена за хит на годината во 1994 година. Во овој период излегла и најпозната песна „Дупла вотка“ која ги соборила сите рекорди и се задржала долго време на топ листите.

Во 1996 групата беа прогласени за најдобра група на годината. Во 1998 година се одржале двата големи концерти во Универзална сала со масовна посетеност.

Од 1999 година почнува неговата соло кариера која со успех трае до ден-денес.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот