Тројцата Чеси, кои минатата недела беа уапсени во Мариово, каде „на диво“ копале барајќи вредни закопани предмети, добија кривична пријава, соопшти МВР. Во изнајмена куќа во Прилеп, каде што престојувале, полицијата го пронашла алатот што го користеле, како и метална кутија со стари монети.

„СВР Битола поднесе кривична пријава против J.M.(25), M.Х.(47) и Ф.K.(52), сите од Република Чешка, поради постоење основи на сомнение за сторено кривично дело „присвојување на добра под привремена заштита или културно наследство или природни реткости“. На 03.04.2025 на место викано „Брест“, мариовско, пријавените биле затекнати во намера да вршат ископ на добра под привремена заштита и културно наследство или природна реткост, а при претрес во куќата каде престојувале биле пронајдени и одземени предмети кои што се користат за ископ на културни добра под привремена заштита, како и монети, златна обетка и прстен од извршен ископ во подрачјето во кое се затекнати лицата“, велат од МВР.

Тројца Чеси уапсени во Мариово, полицијата им нашла стари монети