Череп на трицератопс стар 68 милиони години, диносаурус препознатлив по збрчканата глава со три рога, ќе биде понуден во аукциската куќа Кристи во Париз на 21 ноември. Черепот на овој мирен тревојад бил пронајден во Јужна Дакота, САД во 1998 година, а претходниот сопственик го нарекол Бејби Џејн.

Се проценува дека цената ќе биде од 300 до 500 илјади евра. Ова е блиску до најскапиот череп на трицератопс досега, продаден за 570 илјади евра на аукција на истата куќа во Лондон во 2021 година. Тоа е најскапиот фосил на диносаурус што некогаш бил продаден.

„Сите деца, дури и големите како нас, го препознаваат обликот на главата на трицератопс“, вели Хиполит де ла Ферониер, шеф на аукциската куќа.

Има цели скелети, но веројатно на колекционерите им е полесно да го постават черепот во својата дневна соба, додаде тој. Трицератопите може да пораснат до девет метри во должина.