Кристијано Роналдо е дел од преговорите за следниот менаџер на Челси, открива „Мирор“.

Сопственикот на лондонските „сини“ Тод Боели е голем фан на Португалецот и сакаше да го донесе на „Стемфорд Бриџ“ во последните два преодни рока.

Минатото лето Томас Тухел беше сериозна пречка за овој трансфер, бидејќи германскиот стручњак не го сакаше Роналдо во тимот. Португалскиот голгетер кариерата ја продолжи во Саудиска Арабија, во тимот на Ал Наср каде веќе постигна 11 гола на девет натпревари.

Претседателот на Челси сака менаџер кој ќе го доведе Кристијано Роналдо во тимот.

Сега е речиси сигурно дека Френк Лампард ќе биде на клупата до крајот на сезоната, а двете имиња кои се поврзуваат за местото главен менаџер се Луис Енрике и Јулијан Нагелсман.